Një ngjarje e rëndë është regjistruar mbrëmjen e sotme në Shkodër, ku dy të rinj kanë mbetur të plagosur me mjet prerës pas një konflikti të çastit.

Sipas informacionit paraprak, rreth orës 19:50, në Spitalin Rajonal të Shkodrës janë paraqitur për ndihmë mjekësore shtetasi E. P., 19 vjeç, si dhe një 17-vjeçar, të cilët janë dëmtuar me thikë dhe ndodhen nën kujdesin e mjekëve.

Shkodër / Informacion paraprak

Rreth orës 19:50, në Spitalin Rajonal Shkodër janë paraqitur për ndihmë mjekësore, të dëmtuar me mjet prerës (thikë), shtetasi E. P., 19 vjeç, dhe një 17-vjeçar, të cilët aktualisht ndodhen nën kujdesin e mjekëve.

Shërbimet e Policisë kanë shkuar menjëherë në vendngjarje dhe, nga veprimet e para hetimore, dyshohet se këta shtetas janë dëmtuar me mjet prerës në lagjen “Qemal Stafa”, gjatë një konflikti të çastit.

Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes dhe kapjen e autorëve.