Një ngjarje është regjistruar në zonën e Kamzës, ku një grua rreth 30 vjeçe ka kërkuar ndihmë mjekësore në poliklinikë pas një dëmtimi në fytyrë.

Rreth orës 15:30, autoritetet janë njoftuar për paraqitjen për mjekim të shtetases me iniciale E. L. Menjëherë në vendngjarje ka mbërritur grupi hetimor për të sqaruar rrethanat dhe për të identifikuar personat e përfshirë.

Nga veprimet paraprake është bërë i mundur identifikimi dhe shoqërimi në komisariat i një shtetasi 73-vjeçar, banues në Laknas, për veprime të mëtejshme proceduriale.

Sipas të dhënave fillestare, dyshohet se i moshuari ka qëlluar me armë gjahu për të larguar një kafshë, dhe si pasojë një saçmë ka prekur në faqe 30-vjeçaren, e cila ndodhej në oborrin e banesës së xhaxhait të saj në Laknas.

Pas marrjes së ndihmës mjekësore, e reja është larguar drejt banesës dhe ndodhet jashtë rrezikut.

Autoritetet po vijojnë punën për dokumentimin e plotë të ngjarjes.