Një plagosje me armë zjarri është raportuar pak minuta më parë në Tiranë.

Sipas informacioneve paraprake, një grua ka mbetur e plagosur në rrethana të paqarta edhe për policinë.

"Para 30 minutash kemi marrë një informacion përmes një telefonate se një grua është plagosur me armë zjarri në zonën e Kamzës teksa ajo gjenden në oborr banese. Është e paqartë se çfarë ka ndodhur dhe nga kërkimet e deritanishme, e plagosura nuk gjendet në spitalet e Tiranës", tha për noa.al një burim i policisë së Tiranës.

Në një përditësim më vonë këtë pasdite, policia tha se rreth orës 15:30, është marrë njoftim se në poliklinikën në Kamëz është paraqitur për mjekim shtetasja E. L., rreth 30 vjeçe.

Në vendngjarje ka shkuar Grupi Hetimor me qëllim zbardhjen e rrethanave të rastit dhe identifikimin e kapjen e autorit.

Si rezultat i veprimeve hetimore është bërë identifikimi dhe shoqërimi në Komisariat i shtetasit N. Sh., rreth 73 vjeç, banues në Laknas, për veprime të metejshme proceduriale.

Paraprakisht dyshohet se 73-vjeçari ka qëlluar me armë gjahu me qëllim për të larguar një kafshë dhe për pasojë një saçmë gjahu ka dëmtuar në faqe shtetasen E. L, e cila po qendronte në oborrin e banesës së xhaxhait të saj, në Laknas.

30-vjeçarja pas marrjes së mjekimit kaloi në banesë.

Vijon puna për dokumentimin e plotë të rastit.