Ngjarje e dyfishtë abuzimi seksual është raportuar sot në Tiranë, me një burrë që përdhunon një grua dhe një i dytë që e ngacmon seksualisht.

Policia e Tiranës tha se agjentët e saj referuan materialet në Prokurori, ku nisi procedimi penal për shtetasin P. P., si dhe shpallën në kërkim shtetasin A. Q.

Veprimet erdhën pasi ka kallëzuar një 38-vjeçare, se në muajin shkurt 2026, shtetasi A. Q. ka kryer marrëdhënie seksuale me të, pa dëshirën e saj.

Por pardje ka ndodhur një tjetër ngjarje mr 38 vjeçaren: Ndërsa më datë 01.04.2026, shtetasi P. P. e ka ngacmuar seksualisht.

Policia tha se po punohet për kapjen e shtetasit A. Q. dhe sqarimin e rrethanave të këtyre rasteve.

Materialet procedurale iu referuan Prokurorisë së Tiranës, për veprime të mëtejshme.