Një bazë italiane e UNIFIL në Shama, pjesë e misionit paqeruajtës të OKB-së në Liban, është goditur sërish nga sulme me raketa.

Sipas mediave të huaja, nuk raportohet për të lënduar, por infrastruktura ushtarake ka pësuar dëme të konsiderueshme. Incidenti është në monitorim të vazhdueshëm nga Guido Crosetto, Ministër i Mbrojtjes italiane, dhe Luciano Portolano, Shef i Shtabit, të cilët mbajnë kontakt të drejtpërdrejtë me drejtuesit italianë në terren.

Sipas informacionit zyrtar, sulmi kishte si objektiv shtabin italian në Liban, ku ndodhet edhe Sektori Perëndimor i misionit UNIFIL, i drejtuar nga Italia.

Zyrtarët e COVI, Komanda e Përbashkët e Operacioneve që mbikëqyr misionet italiane jashtë vendit, po hetojnë rastin për të përcaktuar rrethanat dhe shkallën e dëmeve.

Ndërkohë, forcat italiane në Liban vazhdojnë operacionet normale, ndërsa hetimet mbi incidentin janë në zhvillim.