Presidenti i Shteteve të Bashkuara të Amerikës, Donald Trump, ka njoftuar shkarkimin nga detyra të Prokurores së Përgjithshme, Pam Bondi, gjatë një interviste për rrjetin televiziv Fox News.

Sipas raportimeve, kreu i Shtëpisë së Bardhë pritet ta zëvendësojë Bondin me Zëvendës Prokurorin e Përgjithshëm, Todd Blanche, i cili mund të marrë përkohësisht drejtimin e institucionit.

Mediat ndërkombëtare bëjnë të ditur se mundësia e shkarkimit të Bondit ishte diskutuar edhe më herët nga Trump. Në një bisedë të cilësuar si e vështirë nga burime pranë zhvillimeve, presidenti kishte lënë të kuptohej se ajo nuk do të qëndronte gjatë në detyrë dhe se zëvendësimi i saj ishte i afërt.

Ende nuk janë dhënë detaje të mëtejshme mbi arsyet zyrtare të këtij vendimi, ndërsa pritet që në ditët në vijim të ketë zhvillime të reja lidhur me drejtimin e organit të akuzës në SHBA.