Në seancën e zhvilluar këtë të enjte në GJKKO, avokatët e Sali Berishës dhe dhëndrit të tij, Jamarbër Malltezi, kërkuan që kryeministri Edi Rama të thirret si dëshmitar. Ata argumentojnë se Rama, si kryebashkiak i Tiranës, ka ndikuar në ndryshimin e destinacionit të klubit sportiv Partizani.

Prokuroria e Posaçme nuk kundërshtoi kërkesën, duke lënë në dorë të gjykatës vendimin për thirrjen e tij.

Gjykata e Posaçme do të vendosë më 15 prill nëse Rama do të dëshmojë në këtë çështje ku akuzohet rivali i tij politik, ndërsa prokurorët kërkuan rrëzimin e pretendimeve të mbrojtjes për pavlefshmëri të provave.