Me vetëm 70 ditë deri në startin e Kupës së Botës në Meksikë dhe Afrika e Jugut, një superkompjuter i kompanisë Opta ka llogaritur fituesit e mundshëm duke analizuar të gjitha grupet dhe raundet eliminatore.

Sipas algoritmeve, Spanja del si favorite për të ngritur trofeun, me një probabilitet prej 15.83%, pavarësisht humbjes së vendit të parë ndaj Francës në renditjen e FIFA-s. Pas saj renditen Franca me 12.77%, Anglia dhe Argjentina me mbi 10%, ndërsa Portugalia ka një shans prej 6.92%. Brasil dhe Gjermania renditen përkatësisht në vendet gjashtë dhe shtatë.

Parashikimi i grupeve

Superkompjuteri ka identifikuar edhe ekipet që pritet të përfundojnë të parat në secilin grup:

Meksika, Zvicra, Brazili, Shtetet e Bashkuara, Gjermania, Holanda, Belgjika, Spanja, Franca, Argjentina, Portugalia dhe Anglia.

Për herë të parë në histori, 48 ekipet pjesëmarrëse do të jenë të shpërndara në mënyrë që edhe tetë ekipet më të mira të vendit të tretë të kualifikohen për raundet eliminatore. Sipas Opta-s, ekipet që pritet të përfundojnë të tretat dhe të kalojnë janë: Koreja e Jugut, Irani, Australia, Austria, Bregu i Fildishtë, Suedia, Gana dhe Katari.

Superkompjuteri i Opta-s synon të ofrojë një parashikim statistikor bazuar në të dhëna dhe performanca të kaluara, duke ofruar një pamje të mundshme të turneut para fillimit të tij.