Pas tensioneve të mbrëmshme gjatë surprizës në Prime, ku mamaja e Selin i kërkoi banores të largohej nga shtëpia e “Big Brother VIP 5”, Miri ka reaguar sot duke kërkuar ndjesë.

Ai u shpreh se nuk kishte qëllim të ofendonte askënd, por duke qenë se fjalët e tij u interpretuan ndryshe, kërkoi falje për Selinën, mamin e saj dhe familjen e saj.

“Dua të të kërkoj ndjesë për situatën e mbrëmshme, për mamanë që ka ndier ato që ka ndier, për ato gjëra që tha… Megjithatë, nëse është ndier se kam ofenduar, i kërkoj ndjesë asaj dhe të kërkoj ndjesë edhe ty, ta kërkoj në sy,” u shpreh Miri.

Ai theksoi gjithashtu se nga tani e tutje nuk do të ketë më ofendime personale, dhe çdo përballje do të jetë vetëm për lojën. Selina pranoi faljen duke konfirmuar se ndjesa ishte e pranueshme.

Ky moment shënon një qetësim të situatës pas tensioneve të fundit në BBV 5 dhe riafirmon përkushtimin e banorëve për lojë të ndershme dhe respekt reciprok.