Eralbi Breçani, i shpallur në kërkim nga SPAK për çështje të dyshuara që lidhen me trafikun e narkotikëve, është vetëdorëzuar pranë autoriteteve në Spanjë.

Sipas burimeve mediatike, përfshirë raportimet e gazetares Klodiana Lala, Breçani kishte kohë që ishte në arrati, ndërsa ndaj tij ishin intensifikuar përpjekjet për lokalizim dhe arrestim në bashkëpunim me partnerët ndërkombëtarë të drejtësisë.

Ai është djali i ish-zyrtarit të policisë, Erzen Breçani.

Vetëdorëzimi i tij pritet të pasohet nga procedurat ligjore për ekstradimin drejt Shqipëri, ku do të përballet me drejtësinë për akuzat e ngritura ndaj tij.