Në spektaklin e mbrëmshëm të Big Brother VIP Albania 5, një moment i tensionuar u shënua kur nëna e banores Selinës hyri në shtëpi dhe i kërkoi të ndërpriste pjesëmarrjen në garë. Pavarësisht presionit emocional dhe shqetësimeve për imazhin e saj jashtë, Selin vendosi të vazhdojë rrugëtimin në reality show.

Ky vendim ka ndryshuar edhe qëndrimin e familjarëve të saj, të cilët duket se e mbështesin sërish në rrugën drejt finales. Llogaria zyrtare e Selinës në Instagram publikoi foton me kodet për votim në nominimin kokë më kokë me Brikenën, duke i bërë thirrje publikut të mbështesë banoren.

Postimi shoqërohet me këngën e njohur të grupit ABBA, “The Winner Takes It All”, një mesazh simbolik i mbështetjes së familjes dhe synimit për fitoren e Selinës në këtë edicion.