TIRANË, 1 prill 2026 – Jorgo Goro, ish-kryebashkiaku i Himarës, është rikthyer në burg pas vendimit të Apelit të Posaçëm të GJKKO-së, i cili la në fuqi dënimin ndaj tij për tjetërsim prone.

Pas shpalljes së vendimit, Goro u vetëdorëzua në Komisariatin e Policisë në Vlorë, ku u ekzekutua masa e sigurisë “arrest me burg”.

Ish-zyrtari u shpall fajtor për tjetërsimin e një pasurie në zonën e Livadhës, çështje për të cilën ishte dënuar më herët edhe nga Gjykata e Shkallës së Parë. Dënimi fillestar prej 2 vitesh burg u reduktua në 1 vit e 4 muaj, për shkak të aplikimit të gjykimit të shkurtuar.

Sipas Struktura e Posaçme Kundër Korrupsionit dhe Krimit të Organizuar, pas zbritjes së kohës së kaluar në paraburgim, Goro ka për të vuajtur edhe 6 muaj e 10 ditë heqje lirie.

Më herët, ai kishte kryer 17 muaj burg nga një tjetër dënim prej 2 vite e 20 ditësh, që lidhej me tjetërsimin e një sipërfaqeje prej rreth 10 mijë metrash katrorë tokë në zonën e Gjilekës, në Himarë.

Çështja ndaj tij konsiderohet pjesë e hetimeve mbi abuzimet me pronat në zonat bregdetare, një fenomen që prej vitesh mbetet në fokus të drejtësisë shqiptare.