PODGORICË, 1 prill 2026 – Ish-zyrtarja e Ministrisë së të Drejtave të Njeriut dhe Minoriteteve në Mal të Zi, Mirjana Pajković, ka bërë të ditur se ka nisur procedurat për themelimin e një force të re politike, në një kohë kur emri i saj vijon të jetë në qendër të një skandali publik.

Gjatë një interviste televizive, ajo deklaroi se partia e re do të quhet “Stranka evropskog koraka slobode” (Partia e hapit evropian të lirisë), me akronimin “SEKS”, një emërtim që ka tërhequr vëmendje të gjerë në opinionin publik.

Pajković theksoi se synimi i saj është të marrë pjesë në zgjedhje dhe të sigurojë përfaqësim në parlament, duke e konsideruar veten aktive në jetën politike të vendit.

Në të njëjtën dalje, ajo komentoi edhe mbi përfshirjen e saj në një platformë për të rritur, duke zbuluar se ka marrë kërkesa të ndryshme nga përdoruesit, përfshirë edhe kërkesa të pazakonta që nuk lidhen domosdoshmërisht me përmbajtje eksplicite.

Emri i saj u bë publikisht i diskutuar pas publikimit në rrjete sociale të disa videove intime, ku ajo shfaqej së bashku me Vukšić. Lidhur me këtë çështje, Pajković ka depozituar tre kallëzime penale ndaj tij, duke e akuzuar për shpërndarje të paautorizuar të materialeve.

Nga ana tjetër, Vukšić ka deklaruar se telefoni i tij celular ishte marrë nga Pajković në tetor 2024 dhe se, sipas tij, pajisja është keqpërdorur më pas.

Autoritetet në Mal të Zi kanë nisur hetimet paraprake për të zbardhur rrethanat e rastit dhe për të përcaktuar përgjegjësit ligjorë. Blic