Tiranë – Ka nisur seanca gjyqësore e themelit për kryebashkiakun e Tiranës, Erion Veliaj, në një proces që pritet të vijojë me shqyrtimin e çështjes në themel.

Sipas informacioneve paraprake, Veliaj nuk është paraqitur në sallën e gjyqit, ashtu si edhe bashkëshortja e tij, Ajola Xoxa. Në seancë janë të pranishëm dy prokurorët e çështjes.

Gjykata bëri me dije se kryebashkiaku ka paraqitur një deklaratë përmes së cilës shpreh vullnetin për t’u përfaqësuar nga avokati i tij, Plarent Ndreca, i cili ndodhet në sallë.

Aktualisht, trupa gjyqësore po vijon me verifikimin e pranisë së palëve në proces, përfshirë të pandehurit dhe përfaqësuesit e tyre ligjorë, si hap procedural për vijimin e mëtejshëm të seancës.