Një zbulim i rëndësishëm në fushën e Astronomia ka nxjerrë në pah një sistem të ri planetar në formim, duke ofruar një pamje të rrallë mbi fazat e hershme të krijimit të planetëve.

Sipas studimit të publikuar në The Astrophysical Journal Letters, studiuesit kanë vëzhguar lindjen e dy planetëve rreth një ylli shumë të ri të quajtur Wispit 2, i cili ndodhet rreth 400 vite dritë larg nga Toka.

Kërkimi është udhëhequr nga Chloe Lawlor nga Universiteti i Galway, ndërsa vëzhgimet janë realizuar me ndihmën e Very Large Telescope, një prej teleskopëve më të avancuar në botë.

Sipas Lawlor, sistemi Wispit 2 përfaqëson “pamjen më të qartë që kemi pasur ndonjëherë për të kaluarën tonë”, duke iu referuar ngjashmërisë me fazat e hershme të Sistemi Diellor.

Shkencëtarët theksojnë se ky sistem në formim i ngjan mënyrës se si dukej sistemi ynë rreth 5 miliardë vite më parë, kur Dielli ishte i rrethuar nga një disk gazi dhe pluhuri, nga i cili u krijuan planetët.

Zbulimi konsiderohet i rrallë, pasi pas sistemit PDS 70, i identifikuar në vitin 2018, Wispit 2 është vetëm rasti i dytë kur një sistem planetar vëzhgohet në një fazë kaq të hershme të formimit.