Vlorë, 28 mars 2026 – Një ngjarje e rëndë është regjistruar mesditën e sotme në afërsi të Spitalit Rajonal të Vlorës, ku një 33-vjeçar ka mbetur i plagosur me mjet prerës.

Sipas të dhënave paraprake, ngjarja ka ndodhur rreth orës 13:30, ndërsa i riu është qëlluar dy herë me thikë në rrethana ende të paqarta.

Menjëherë pas incidentit, i plagosuri është transportuar në ambientet e kirurgjisë të spitalit, ku po merr ndihmën e nevojshme mjekësore. Burime spitalore bëjnë me dije se ai ndodhet nën kujdesin e mjekëve.

Ndërkohë, forcat e policisë kanë mbërritur në vendngjarje dhe kanë nisur hetimet për identifikimin e autorit dhe zbardhjen e plotë të rrethanave të kësaj ngjarjeje.

Autoritetet pritet të japin detaje të mëtejshme në vijim, ndërsa po punohet për dokumentimin e plotë të rastit.