Një shtetas grek, 48 vjeç, është dërguar i pajetë në urgjencën e spitalit të Sarandës mbrëmjen e djeshme rreth orës 22:00.

Viktima është identifikuar si Pavllos Simeriontaqis, me origjinë nga Athina.

Pas mbërritjes në spital, është njoftuar policia, e cila ka nisur veprimet për sqarimin e rrethanave të ngjarjes.

Sipas informacioneve paraprake, në trupin e viktimës nuk janë konstatuar shenja dhune, ndërsa dyshohet se shkaku i vdekjes mund të ketë qenë arresti kardiak.

Trupi i pajetë do të transportohet në Instituti i Mjekësisë Ligjore në Tiranë, ku do t’i nënshtrohet ekspertizës për përcaktimin e shkakut të saktë të vdekjes.