Teherani ka reaguar ashpër ndaj sulmeve izraelite ndaj objekteve strategjike bërthamore iraniane. Ministri i Jashtëm i Iranit, Abbas Araghchi, paralajmëroi se Izraeli do të përballet me një “çmim të rëndë” për këto veprime.

Sipas raportimeve, sulmet e premten prekën disa objektiva strategjikë, duke përfshirë një uzinë uraniumi dhe një reaktor uji të rëndë në qendër të Iranit. Raportohet gjithashtu se dy fabrika çeliku në qytetin e Esfahanit u goditën, duke shkaktuar të paktën një viktimë dhe 15 të plagosur.

Ky reagim vjen vetëm disa orë pas deklaratës së presidentit amerikan Donald Trump, i cili tha se SHBA mund të vonojë sulmet ndaj infrastrukturës energjetike iraniane nëse rihapet kanali i Hormuzit, një rrugë kyçe për transportin global të naftës.

Araghchi kritikoi gjithashtu pretendimet se Izraeli ka vepruar në koordinim me SHBA-në, duke theksuar se sulmet bien ndesh me afatet e caktuara nga Uashingtoni për çështjen e ngushticës.

“Do të ketë një çmim të rëndë për krimet izraelite”, tha ai, duke lënë të kuptohet se tensionet në rajon mund të thellohen.