Tiranë, 26 Mars 2026

Kryeministri Edi Rama ka bërë një batutë gjatë një takimi me investitorë ndërkombëtarë, duke i ftuar të provojnë rakinë shqiptare si një mënyrë për ta parë vendin më pozitivisht.

Gjatë fjalës së tij, Rama u shpreh se rakia mund të ndikojë në humorin e tyre dhe të zbusë perceptimet për problemet si korrupsioni dhe krimi i organizuar.

Sot në stendën “Takohu me qeverinë”, nuk do gjeni vetëm raki, po do gjeni pak raki, edhe pse nuk është më e nevojshme për t’ju dhënë entuziazëm kur vini në Shqipëri, provojeni. Do t’ju bëj që Shqipëria t’ju duket edhe më e mirë, por efekti i më i madh apo më i shkëlqyer i saj është që do t’i sjellë të gjithë në qejf, e të mos vuajnë artificialisht për këtë problemin tonë; për korrupsionin dhe krimin e organizuar.” tha Rama.

Në fund të fjalës, kryeministri falënderoi investitorët gjermanë dhe bëri të ditur se së shpejti pritet hapja e pikës së parë të një rrjeti ndërkombëtar të hiper dhe supermarketeve në Shqipëri. Ai tha se prania e kompanive të tilla tregon një nivel të ri zhvillimi për vendin. Nëse kjo ndodh, do të ishte hera e parë pas shumë vitesh që kompanitë e huaja të këtij niveli po vijnë në Shqipëri, ndërkohë që shumë prej tyre janë larguar nga vendi ynë.