Kryeministri Edi Rama do të zhvillojë të shtunën, më 28 mars, një mbledhje të zgjeruar me kabinetin qeveritar dhe grupin parlamentar. Takimi do të mbahet në Pallati i Kongreseve.

Sipas agjendës, në këtë mbledhje do të mbajnë fjalën drejtoresha e Agjencisë Shtetërore të Kadastrës, Lorena Goxhobelli, kryetari i Komisionit të Reformës Territoriale, Arbjan Mazniku, si dhe ministrja e Shtetit për Marrëdhëniet me Parlamentin, Erjona Ismaili.

Në vijim, për strategjinë e komunikimit pritet të raportojnë Anjeza Maja dhe Jonida Shehu. Punimet do të mbyllen me fjalën e kryeministrit Rama dhe të kryetarit të grupit parlamentar, Taulant Balla.

Ende nuk është konfirmuar nëse gjatë kësaj mbledhjeje do të diskutohet mungesa e Elisa Spiropali gjatë votimit në Kuvend për Belinda Balluku, pas debatit në distancë mes saj dhe Ballës një ditë më parë.