TIRANË – Pas një ndërprerjeje njëvjeçare, qytetarët shqiptarë do të kenë sërish mundësi të aplikojnë për programin e njohur si “ëndrra amerikane”, përmes lotarisë së vizave Diversity Visa Lottery.

Sipas njoftimeve zyrtare nga U.S. Department of State, për edicionin DV-2027 janë parashikuar disa ndryshime në procedurat e aplikimit, me qëllim rritjen e sigurisë dhe parandalimin e abuzimeve.

Ndryshimet kryesore

Ndër risitë kryesore përfshihen:

Vendosja e një tarife simbolike aplikimi, rreth 1 euro Detyrimi për të pasur një pasaportë të vlefshme në momentin e aplikimit Dorëzimi i një fotografie të kohëve të fundit Kërkesa për identifikim më të saktë të aplikantit

Po ashtu, janë bërë edhe disa ndryshime teknike në formularin e aplikimit, si zëvendësimi i termit “Gender” me “Sex” dhe përdorimi i “Date of Birth” në vend të “Age”.

Qëllimi i ndryshimeve

Sipas autoriteteve amerikane, këto masa synojnë të garantojnë që aplikimet të jenë autentike dhe lehtësisht të verifikueshme, duke kufizuar aplikimet e pasakta ose të shumëfishta.

Kur hapen aplikimet

Aplikimet për lotarinë amerikane DV-2027 pritet të hapen gjatë periudhës shtator–tetor 2026, ndërsa numri i përfituesve do të mbetet i pandryshuar krahasuar me vitet e mëparshme.