Një nominim i fortë mes Stenaldos dhe Mateos ka përfunduar me eliminimin e njërit prej tyre nga votat e publikut.

Stenaldo është banori që ka lënë shtëpinë, pasi rezultoi më pak i votuari për të vijuar rrugëtimin e tij në spektaklin “Big Brother VIP Albania 5”.

Këtë herë, mënyra e komunikimit të rezultatit ishte ndryshe nga herët e tjera. Në dhomën e rrëfimit u thirrën personat më të afërt të dy banorëve: Mali, mik i Stenaldos, dhe Brikena, e afërt me Mateon. Ishin pikërisht ata që u përcollën lajmin finalistëve të nominimit, ku rezultati ishte pozitiv për Mateon dhe negativ për Stenaldon.

Ndërkohë, nominimi mes dy banorëve u hap të shtunën, pas avantazhit të fituar nga Rogerti si lider i shtëpisë. Ai vendosi të përballë në nominim Stenaldon dhe Mateon, duke i lënë në dorë publikut vendimin përfundimtar.