Ambasada e Gjermanisë në Shqipëri reagoi lidhur me protestën e opozitës që u zhvillua një ditë më parë, duke dënuar ashpër çdo akt dhune.

Në një postim në rrjetet sociale, ambasada thekson se protestat janë një e drejtë themelore në çdo shoqëri demokratike, por dhuna ndaj personave ose objekteve është e papranueshme.

Ambasada thekson gjithashtu se pret që partitë politike përgjegjëse të distancohen në mënyrë të paekuivokë nga dhuna, duke ruajtur respektin për rregullat demokratike dhe sigurinë publike.

Reagimi i plotë i ambasadës:

Ambasada dënon dhunën e papranueshme gjatë demonstratave.

Protestat politike dhe e drejta për të demonstruar janë të drejta themelore.

Dhuna nuk mund të justifikohet asnjëherë.

Partitë politike duhet të distancohen qartësisht nga çdo akt dhune.