Një aksident rrugor është regjistruar në zonën e Skelës, Vlorë, ku një automjet ka përplasur një të moshuar që po kalonte me biçikletë në vijat e bardha.

Si pasojë e përplasjes, i moshuari ka pësuar lëndime të lehta. Menjëherë në vendngjarje kanë mbërritur shërbimet e emergjencës, të cilat i kanë dhënë ndihmën e parë dhe më pas e kanë transportuar drejt spitalit për trajtim të mëtejshëm.

Policia ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.

Materialet procedurale iu referuan Prokurorisë së Vlorës për veprime të mëtejshme.