Java e 29-të e kampionatit Abissnet Superiore u zhvillua gjatë fundjavës, duke sjellë përballje të forta dhe rezultate me ndikim në garën për “Final 4” dhe në luftën për mbijetesë.

Sfida hapëse mes AF Elbasani dhe Egnatia, e luajtur në Elbasan Arena, përfundoi në barazim pa gola 0-0, me të dyja skuadrat që ndanë nga një pikë.

Fitore të rëndësishme arriti Bylis, që në Adush Muça mposhti Flamurtari me rezultatin 2-1, duke siguruar tri pikë të vlefshme.

Në Durrës, ndeshja mes Teuta dhe Partizani, e zhvilluar në Niko Dovana, u mbyll në barazim 2-2, në një përballje të luftuar deri në fund.

Pa gola përfundoi edhe takimi mes Vllaznia dhe Dinamo City në Loro Boriçi, me rezultatin 0-0.

Java u mbyll me fitoren bindëse të KF Tirana, që në Selman Stërmasi mposhti Vora me rezultatin e thellë 3-0.