Tragjike në Tiranë: i riu humb jetën pas përplasjes në mes të rrugës

Një aksident i rëndë rrugor me pasoja fatale është regjistruar mesditën e sotme në aksin Baldushk–Vishnje, në Tiranë.

Ngjarja ka ndodhur rreth orës 13:50, ku një i ri rreth 28 vjeç, dyshohet se ka humbur kontrollin mbi drejtimin e motomjetit që po drejtonte. Për pasojë, motori është përplasur me barrierat anësore të rrugës.

Si pasojë e përplasjes së fortë, 28-vjeçari Beqir Zela ka ndërruar jetë në vendngjarje.

Çfarë tha policia

Më datë 22.03.2026, rreth orës 13:50, në aksin rrugor Baldushk–Vishnje, shtetasi B. Z., rreth 28 vjeç, dyshohet se ka humbur kontrollin mbi drejtimin e motomjetit që po drejtonte.

Si pasojë e humbjes së kontrollit, motomjeti është përplasur me barrierat anësore të rrugës, duke shkaktuar vdekjen e menjëhershme të 28-vjeçarit.

Grupi hetimor vijon punën për sqarimin e plotë të rrethanave të aksidentit, ndërsa materialet procedurale i janë referuar Prokurorisë së Tiranës për veprime të mëtejshme.