Partia Demokratike pritet të zhvillojë sot, në orën 16:00, protestën e radhës kombëtare përpara godinës së Kryeministrisë në Tiranë.

Ndryshe nga tubimet e mëparshme, këtë herë protesta do të zhvillohet pa fjalime, pasi në shesh nuk është vendosur podium.

Ndërkohë, si zakonisht në raste protestash të opozitës, godina e Kryeministrisë është rrethuar me gardhe metalike dhe janë marrë masa të shtuara sigurie nga Policia e Shtetit.

Autoritetet kanë njoftuar gjithashtu bllokimin e disa akseve rrugore gjatë zhvillimit të protestës.

Një ditë më parë, kreu i Partia Demokratike, Sali Berisha, bëri të ditur se deputetët e kësaj force politike do t’u bashkohen protestuesve në zonat e tyre.