Tiranë, 21 Mars 2026

Kryeministri Edi Rama theksoi rolin e grave në politikë dhe suksesin e Partisë Socialiste në zgjedhjet e fundit, gjatë një deklarate për media.

“Ne jemi në pushtet falë grave. E kuptuan dhe ata në Dibër, ku morëm më shumë vota. Ata e kuptuan edhe kur unë u thashë: nëse nuk dëgjoni gratë, jeni çyrykë, dhe në fakt treguan se nuk janë të tillë,” tha Rama.

Ai shtoi se partia nuk ka ambicie të tejkalojë përfaqësimin e grave, duke theksuar se aktualisht vetëm 34% e strukturave janë gra. “Duhet ta kapërcejmë këtë. Ka organizata ku ka vetëm një burrë dhe nuk ka bashkëkryetare fare. Kjo duhet të ndryshojë,” deklaroi kryeministri, duke nënvizuar rëndësinë e barazisë gjinore në vendimmarrje dhe strukturat e partisë.