Një ngjarje e rëndë ka ndodhur në Stamboll, ku futbollisti 21-vjeçar, Kubilay Kaan Kundakci, humbi jetën pas një sulmi me armë zjarri. Ai u qëllua ndërsa ndodhej në makinën e tij, ndërsa dëshmitarët raportojnë se një person hapi zjarr ndaj tij.

Sipas mediave të huaja, Kundakci ishte përfshirë në një situatë mes një reperi dhe ish-të dashurës së këtij të fundit, një këngëtare, dhe po tentonte të ndërhynte për të qetësuar konfliktin mes tyre.

Futbollisti u dërgua menjëherë në spital, por pavarësisht përpjekjeve të stafit mjekësor, nuk arriti të mbijetonte.

Autoritetet turke kanë nisur hetimet për ngjarjen dhe po përpiqen të identifikojnë autorin e sulmit dhe motivet pas këtij akti të dhunshëm.