20 Mars 2026 – Agjencia Ndërkombëtare e Energjisë (IEA) ka propozuar masa konkrete për të lehtësuar barrën e konsumatorëve nga rritja e çmimeve të energjisë, pas tensioneve në Lindjen e Mesme dhe sulmeve ndaj rafinerive.

Masat e propozuara nga IEA për qeveritë, bizneset dhe familjet përfshijnë:

Punë nga shtëpia kur është e mundur.

Uljen e shpejtësisë në autostrada me të paktën 10 km/orë.

Shmangien e udhëtimeve ajrore kur ka alternativa transporti.

Përdorimin e energjisë elektrike për gatim në vend të gazit.

Industrinë të optimizojë përdorimin e hidrokarbureve.

Drejtori ekzekutiv i IEA, Fatih Birol, tha se këto masa janë pjesë e strategjisë globale për të mbrojtur konsumatorët dhe për të zbutur ndikimin e krizës energjetike, e cila rrit shqetësimet për inflacionin global.

Së fundmi, IEA ka njoftuar lirimin rekord prej 400 milionë fuçish nga rezervat strategjike të naftës për të stabilizuar tregun pas tensioneve SHBA-Izrael–Iran.