Tiranë, 18 mars 2026 – Avokati Kujtim Cakrani ka reaguar mbi lajmet që qarkullojnë për një ndarje të mundshme mes ish-presidentit Ilir Meta dhe ish-bashkëshortes së tij, kryetares së LSI-së, Monika Kryemadhi.

Sipas Cakranit, çdo spekulim për ndarje është “një iluzion i ngritur nga mediat”.

“Ata kanë qenë bashkë për 34 vite dhe kanë tre fëmijë. Nuk kanë asnjë arsye të mos flasin, por nuk kanë folur. Kjo është e mbyllur për zotin Meta dhe zonjën Kryemadhi”, deklaroi avokati.

Ndërkohë, Gjykata e Posaçme ka kaluar për gjykim sot dosjen që i përfshin Meta-Kryemadhin, ku të dy akuzohen për korrupsion, pastrim parash dhe fshehje pasurie.

Në këtë proces, të pandehur janë edhe Pirro Xhixho, Ema Çoku dhe Fatime Kryemadhi, mamaja e ish-kryetares së LSI-së. Xhixho akuzohet për korrupsion, ndërsa dy të tjerat për pastrim parash.

Lajmet mbi ndarjen e mundshme mes Metës dhe Kryemadhit duket se mbeten thjesht spekulime, ndërsa procesi gjyqësor vijon rrugën e tij ligjore.