Tiranë, 18 mars – Një familjare e Eraldo Fizi ka dhënë detaje mbi ngjarjen e rëndë ku partnerja e tij, Xhuana Nikolli, i dha fund jetës duke u vetëhelmuar.

Në një intervistë televizive, familjarja shprehu tronditjen e thellë për humbjen dhe theksoi se nuk kishin dijeni për divorcin e çiftit.

Ajo tregoi se çifti kishte organizuar një dasmë të madhe dhe se vjehrra ishte shumë e lumtur për të dy. Familjarja shtoi se nuk beson që e ëma e Eraldo Fizit mund të ketë ushtruar dhunë ndaj Xhuanës.

“Nuk di të gjej fjalë për t’i ngushëlluar. Unë kam 40 vjet e martuar në këtë familje, janë familje që nuk janë për dhunë… Halli më i madh është se nuk kthehet më ajo. Më duket e pabesueshme, nuk shpreh fjalë nga dhimbja,” u shpreh ajo.

Ajo shtoi se Xhuana ishte përkushtuar deri në ditën e dasmës dhe kishte bërë gjithçka për të ruajtur harmoninë e fëmijëve. Familjarja zbuloi gjithashtu se për herë të fundit e kishte parë çiftin pesë ditë pas dasmës, para se ata të udhëtonin për pushime në Turqi.