TIRANË – Kreu i Partisë Demokratike, Sali Berisha, deklaroi se Mali i Zi ka përfunduar procesin e votimit për raportin e IBAR, ndërsa për Shqipërinë vendet anëtare të Bashkimi Evropian kanë ngritur një seri pyetjesh dhe presin përgjigje.

“Në fakt, raporti për Malin e Zi u votua dhe u mbyll, ndërsa për Shqipërinë mbeti në shqyrtim. Disa vende ngritën pyetje serioze lidhur me imunitetin e Lubi Ballukut, AKSHI-n, mediat, krimin dhe një sërë problemesh të tjera,” tha Berisha.

Ai theksoi se mosvotimi i raportit për Shqipërinë nuk lidhet me refuzim të procesit, por me nevojën e vendeve partnere për sqarime dhe përgjigje mbi këto çështje të ngritura.