Denoncim i rëndë në një biznes në Tiranë, punonjësja flet për presione dhe kërcënime

“U ndjeva e kërcënuar edhe për familjen” – rrëfimi që po trazon një biznes në Tiranë

Tiranë – Një 21-vjeçare ka kallëzuar në polici se është abuzuar seksualisht nga pronari i saj, një shtetas i huaj 48-vjeçar, i cili e kishte punësuar si dizajnuese për bizhu. Aktiviteti ishte online, por kryhej në banesën e tij të marrë me qira në rrugën “Bogdanëve” në Tiranë.

Sipas kallëzimit, ngjarja ka ndodhur më 1 dhjetor 2025, kur shtetasi M.F. ka kryer marrëdhënie seksuale pa dëshirën e saj.

Vajza ka deklaruar gjithashtu se marrëdhënia ka vijuar më pas për shkak të shantazhit nga ana e tij, që kërcënonte se do t’ia tregonte familjarëve.

Specialistët për Hetimin e Krimeve të Komisariatit të Policisë Nr. 2 ndaluan shtetasin M.F. gjatë një operacioni, ndërsa gjatë kontrollit fizik iu sekuestrua edhe një mjet prerës. Hetimet për zbardhjen e plotë të ngjarjes dhe marrjen e masave të mëtejshme ligjore janë në vijim.

Njoftimi i policisë:

Specialistët për Hetimin e Krimeve të Komisariatit të Policisë Nr. 2 ndaluan shtetasin e huaj M. F., 48 vjeç, pasi një 21-vjeçare ka kallëzuar se ishte punësuar prej tij si dizajnuese për bizhu, punë që kryhej online për llogari të 48-vjeçarit, në banesën e tij të marrë me qira në Tiranë, në rrugën “Bogdanëve”.

Sipas kallëzimit, më datë 01.12.2025, ndërsa ndodhej në këtë banesë për të ushtruar aktivitetin e punës, ky shtetas ka kryer marrëdhënie seksuale pa dëshirën e saj.

Gjithashtu, sipas saj, marrëdhënia ka vijuar edhe më pas, pasi ai e ka shantazhuar se do t’i tregonte familjes së saj. Gjatë kontrollit fizik ndaj 48-vjeçarit iu gjet edhe një mjet prerës.