Policia ka arrestuar një 40-vjeçar në Maliq, pasi dyshohet se qëllonte me armë zjarri në ajër duke terrorizuar banorët e zonës.

Sipas Policia e Shtetit, në pranga ka rënë Kristo Agolli, banues në fshatin Orman, i cili rezulton i dënuar më parë për vjedhje dhe për prodhim e shitje të narkotikëve.

Ngjarja ndodhi pasi policia mori njoftim se një person po qëllonte me armë zjarri, duke rrezikuar jetën e banorëve. Menjëherë në vendngjarje ndërhynë shërbimet e Komisariatit të Policisë Maliq, me mbështetjen e forcave speciale Forca e Posaçme Shqiponja, të cilat arritën ta neutralizonin dhe ta arrestonin 40-vjeçarin.

Në vendngjarje u sekuestrua arma e zjarrit tip kallashnikov dhe municion luftarak.

Çfarë u gjet në banesë

Gjatë kontrollit në banesën e të arrestuarit, policia gjeti dhe sekuestroi fara kanabisi dhe një aparat metalkërkues, të cilat u morën si prova materiale.

Në vijim të veprimeve policore u arrestua në flagrancë edhe një shtetas grek, Dimitrios Pentazidis, 48 vjeç, banues në Athinë, për veprën penale “Moskallëzimi i krimit”.

Sipas hetimeve paraprake, shtetasi grek kishte shkuar në banesën e 40-vjeçarit për të kërkuar flori me anë të aparatit metalkërkues, i cili dyshohet se ishte sjellë prej tij nga Greqi.

Materialet procedurale i janë referuar Prokuroria pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.