Pas disa deklaratave të dëgjuara gjatë Prime, banorët kanë ngritur dyshime se mund të ketë një pëlqim mes Juela dhe Rogerti.

Në një klip të transmetuar në Prime, Juela u dëgjua duke thënë: “Po të mos ishe i martuar, e di çdo të të bëja?” dhe “Unë për ty kam paguar një çmim shumë të madh”. Këto deklarata shkaktuan debate dhe spekulime brenda shtëpisë.

Juela u përpoq të sqarojë situatën: “Unë do të shpjegoj si ka lindur ortakëria në lojë mes meje dhe Rogertit. E shoh si një vëlla të madh në këtë lojë. Nuk ka asnjë kimi që shkon përtej mendimeve që shkojnë në lojë. Nuk kam asnjë ndjenjë për Rogertin.”

Ajo gjithashtu shtoi: “Kur më ka thënë: ‘Po të mos isha i martuar, unë me ty Juela do të tentoja’, unë i kam thënë: ‘Shyqyr që je i martuar’.”

Nga ana e tij, Rogerti tha: “Nëse është një histori që ta krijojnë të tjerët, bjeri fortë dhe luaje. Unë, si Rogert, nëse s’do isha i martuar, Juela do ishte në tipin tim.”

Megjithatë, banorët e tjerë nuk duket të jenë të bindur. Selin komentoi: “Janë një mashkull, një femër, gjini të ndryshme, të degjeneruar të dy.” Ndërsa Gimbo shtoi: “Ky burri i martuar duhet t’i vijë turp dhe ajo vajza që e di që ky është i martuar, më shumë turp për atë. Si nuk kanë pëlqim… Juela ka ndërruar katër karaktere të ndryshme për dy muaj. Vajzë e fortë shqiptare nuk është ajo që qëndron ashtu.”

Situata ka ndezur debat të gjerë mes banorëve, duke lënë hapësirë për spekulime mbi raportin mes Juelës dhe Rogertit brenda shtëpisë.