Një avion ushtarak amerikan i tipit Boeing KC-135 Stratotanker është rrëzuar në pjesën perëndimore të Irak, sipas njoftimeve zyrtare nga autoritetet amerikane.

Komanda Qendrore e SHBA-ve, United States Central Command, bëri të ditur se avioni përdorej për furnizimin me karburant të avionëve të tjerë në ajër. Në momentin e incidentit në bord ndodheshin pesë ushtarakë amerikanë.

Sipas të dhënave paraprake, autoritetet ushtarake amerikane theksojnë se rrëzimi i avionit nuk ka lidhje me zjarr armik apo sulme nga forca të tjera në rajon.

Ndërkohë, ekipet ushtarake kanë nisur operacionet e kërkim-shpëtimit për të gjetur personelin që ndodhej në avion dhe për të sqaruar rrethanat e plota të ngjarjes.

Hetimet për shkaqet e rrëzimit të avionit vijojnë.