Lushnjë – Specialistët për Hetimin e Narkotikëve, në bashkëpunim me Forca e Posaçme Operacionale dhe në koordinim me Prokuroria e Fierit, finalizuan operacionin e koduar “Rikthimi”, duke arrestuar në flagrancë shtetasin A. L., 33 vjeç, banues në Lushnjë.

Gjatë kontrollit fizik, atij iu gjet një dozë lënde e dyshuar narkotike kokainë, ndërsa në automjetin që drejtonte u sekuestruan 23 gramë të së njëjtës lëndë, të dyshuara me qëllim shitjen.

Përveç lëndës narkotike, u sekuestruan edhe automjeti dhe dy celularët e të arrestuarit, si prova materiale.

Materialet procedurale iu referuan Prokurorisë së Fierit për veprime të mëtejshme.