Një 23-vjeçar nga Pejë është arrestuar në flagrancë nga policia pasi dyshohet se tentoi të vidhte një automjet tip furgon në Vlorë.

Sipas njoftimit të Policia e Shtetit, specialistët e Seksionit për Hetimin e Krimeve në Komisariatin e Policisë Vlorë bënë të mundur arrestimin e shtetasit me iniciale G. P., 23 vjeç, në orët e para të mëngjesit të datës 10 mars 2026.

U kap në flagrancë gjatë tentativës për vjedhje

Ngjarja ndodhi në lagjen 24 Maji, ku i riu u kap nga shërbimet e policisë në momentin që po tentonte të vidhte një furgon. Ndërhyrja e menjëhershme e policisë bëri të mundur parandalimin e vjedhjes dhe arrestimin e tij në flagrancë.

Gjatë kontrollit fizik, efektivët i gjetën dhe sekuestruan një armë të ftohtë (thikë), e cila u mor në cilësinë e provës materiale. Dyshohet edhe për një vjedhje tjetër

Nga veprimet hetimore rezulton se i njëjti shtetas dyshohet të jetë autor edhe i një vjedhjeje tjetër të ndodhur më 6 mars 2026 në një lokal në lagjen 10 Korriku, ku është marrë një shumë parash.

Policia po vijon hetimet për dokumentimin e plotë të kësaj ngjarjeje dhe për të verifikuar nëse 23-vjeçari është i përfshirë edhe në raste të tjera vjedhjeje.

Materialet procedurale i janë referuar Prokuroria e Vlorës për veprat penale “Vjedhja” dhe “Mbajtja pa leje e armëve të ftohta”.

VLORË-

"Tentoi të vidhte një furgon në Vlorë , arrestohet në flagrancë 23-vjeçari nga Kosova.Gjatë kontrollit fizik iu gjet një armë e ftohtë (thikë), e cila u sekuestrua në cilësinë e provës materiale. Si rezultat i reagimit të shpejtë dhe punës së pandërprerë për parandalimin dhe zbardhjen e rasteve të vjedhjes, si dhe për kapjen e autorëve të tyre, specialistët e Seksionit për Hetimin e Krimeve në Komisariatin e Policisë Vlorë bënë të mundur arrestimin në flagrancë të shtetasit G. P., 23 vjeç, banues në Pejë, Kosovë.

Ky shtetas u kap më datë 10.03.2026 , rreth orëve të para të mengjesit, në lagjen “24 Maji”, në momentin që po tentonte të vidhte një automjet tip furgon. Ndërhyrja e menjëhershme e shërbimeve të Policisë bëri të mundur kapjen e tij në flagrancë dhe parandalimin e vjedhjes. Gjatë kontrollit personal, shërbimet e Policisë i gjetën dhe sekuestruan në cilësinë e provës materiale një mjet prerës (thikë).

Nga veprimet hetimore të kryera rezulton se i njëjti shtetas dyshohet të jetë autor edhe i një vjedhjeje tjetër, të ndodhur më datë 06.03.2026, ku është marrë një shumë parash në një lokal në lagjen “10 Korriku”, në qytetin e Vlorës. Policia vijon punën për dokumentimin e plotë të kësaj ngjarjeje dhe për verifikimin e përfshirjes së këtij shtetasi edhe në raste të tjera vjedhjeje. Materialet procedurale iu referuan Prokurorisë Vlorë për veprat penale “Vjedhja” dhe “Mbajtja pa leje e armëve të ftohta”."