Të shtëna me armë në Shkodër. Sipas policisër, ngjarja ndodhi rreth orës 15:10 në lagjen “Guerrile”, ku shërbimet e policisë gjatë patrullimit i kanë bërë shenjë ndalimi një automjeti me të cilin lëviznin dy persona, me qëllim kryerjen e kontrolleve.

Drejtuesi i automjetit nuk iu bind urdhrit të punonjësve të policisë dhe shtoi shpejtësinë e lëvizjes, duke kryer edhe manovra të rrezikshme në rrugë. Për këtë arsye, patrullat e policisë iu vunë në ndjekje automjetit.

Gjatë ndjekjes, dyshohet se pasagjeri i automjetit ka qëlluar një herë në ajër me armë zjarri dhe më pas është larguar nga vendi i ngjarjes.

Shërbimet e policisë kanë arritur të kapin drejtuesin e automjetit, ndërsa vijon puna për lokalizimin dhe kapjen e pasagjerit që dyshohet se qëlloi me armë.

Ndërkohë, grupi hetimor, në drejtimin e Prokurorisë, po punon për zbardhjen e plotë të rrethanave të kësaj ngjarjeje.

Njoftimi i Policisë:

Rreth orës 15:10, gjatë patrullimit në lagjen “Guerrile”, shërbimet e Policisë i kanë bërë shenjë ndalimi, një automjeti me të cilin lëviznin 2 shtetas, me qëllim kryerjen e kontrolleve. Drejtuesi i automjetit nuk i është bindur urdhrit të punonjësve të Policisë, por ka shtuar shpejtësinë e lëvizjes dhe ka kryer manovra të rrezikshme me automjet.

Për këto arsye, shërbimet e Policisë i janë vënë në ndjekje automjetit. Gjatë ndjekjes, dyshohet se pasagjeri në këtë automjet, duke u larguar ka qëlluar një herë, në ajër, me armë zjarri, dhe është larguar.

Shërbimet e Policisë kanë kapur drejtuesin e automjetit, inicialet e të cilit nuk bëhen të ditura për momentin, për shkak të konfidencialitetit të hetimit. Ndërkaq, vijon intensivisht puna për lokalizimin dhe kapjen e pasagjerit në këtë automjet. Grupi hetimor, në drejtimin e Prokurorisë, po punon për të zbardhur rrethanat e rastit.