Një operacion i Policisë së Shtetit ka goditur një rast të dyshuar të pastrimit të produkteve të veprës penale në Berat.

Aksioni u zhvillua nga specialistët e Seksionit për Hetimin e Krimeve Ekonomiko-Financiare në Drejtoria Vendore e Policisë Berat, të cilët finalizuan operacionin policor të koduar “Produkti”.

Gjatë kontrolleve të ushtruara në automjetin dhe në banesën e një shtetasi në Berat, policia arrestoi në flagrancë K. K., 67 vjeç, banues në qytet.

Në cilësinë e provës materiale u sekuestruan:

54 890 euro

2020 paund britanikë

1850 dollarë amerikanë

2850 franga

1 automjet

1 aparat celular

Sipas hetuesve, këto shuma monetare dyshohet se rrjedhin nga veprimtari të kundërligjshme.

Policia bëri të ditur se hetimet po vazhdojnë për:

dokumentimin e plotë të veprimtarisë kriminale,

identifikimin e personave të tjerë që mund të jenë të përfshirë në këtë aktivitet.

Materialet procedurale i janë referuar Prokuroria pranë Gjykatës së Shkallës së Parë të Juridiksionit të Përgjithshëm Berat, për veprën penale “Pastrimi i produkteve të veprës penale ose veprimtarisë kriminale”.