Arrestohet drejtuesi i mjetit që shkaktoi aksidentin fatal në aksin Levan-Tepelenë

Policia ka arrestuar 57-vjeçarin Pëllumb Muska, i cili dyshohet se shkaktoi aksidentin fatal ku humbi jetën 39-vjeçarja Nertila Abazaj.

Ngjarja ndodhi një ditë më parë në aksin rrugor Levan–Tepelenë, në kryqëzimin që lidh fshatin Varibop me autostradën.

57-vjeçari është arrestuar për veprën penale “Shkelje e rregullave të qarkullimit rrugor” me pasojë vdekjen.

Ai drejtonte furgonin që u përplas me automjetin e 39-vjeçares.

Përplasja ndodhi në momentin kur makina e Abazajt doli nga rruga për të hyrë në autostradë.

Nertila Abazaj humbi jetën në vendngjarje.

Drejtuesi i furgonit Pëllumb Muska dhe pasagjeri Sadik Rama mbetën të plagosur dhe ndodhen në spital, por sipas mjekëve janë jashtë rrezikut për jetën.

Policia vijon hetimet për të sqaruar plotësisht rrethanat e aksidentit