Uashington, 14 qershor 2026 – Luftëtari francez i MMA-së, Ciryl Gane, do të përballet me brazilianin Alex Pereira në një event të veçantë të organizuar nga Ultimate Fighting Championship (UFC) në Shtëpia e Bardhë, në kuadër të festimit të 80-vjetorit të lindjes së presidentit amerikan Donald Trump.

Sipas njoftimit të presidentit të UFC-së, Dana White, përballja mes Gane dhe Pereira do të zhvillohet për titullin e përkohshëm botëror në kategorinë e peshave të rënda.

Në eventin kryesor të mbrëmjes do të përballen spanjolli Ilia Topuria dhe amerikani Justin Gaethje për titullin e peshave të lehta.

Aktualisht titulli i peshave të rënda mbahet nga britaniku Tom Aspinall. Ai u përball me Gane në tetor të vitit të kaluar, por ndeshja u ndërpre në raundin e parë pas një dëmtimi aksidental në sy të kampionit.

Në vend të një revanshi me Aspinall, Gane do të përballet me Pereiran, i cili ka vendosur të ngjitet në një kategori më të lartë peshe pasi hoqi dorë nga titulli i tij i mëparshëm.

Pereira, 38 vjeç, ka një rekord prej 13 fitoresh dhe 3 humbjesh, ndërsa Gane, 35 vjeç, numëron 13 fitore dhe 2 humbje në UFC.

Presidenti amerikan Donald Trump është i njohur si një mbështetës i madh i sporteve të arteve marciale të përziera (MMA) dhe ka marrë pjesë shpesh në evente të UFC-së gjatë viteve. Organizimi i këtij eventi në Shtëpinë e Bardhë pritet të jetë një nga ngjarjet më të veçanta sportive të vitit.