Ajetja, motra e Gëzimit (Gimbo), ka folur në emisionin “Goca & Gra” për dasmën që Gimbo dhe Selin organizuan mbrëmë në shtëpinë e Big Brother VIP Albania.

Ajo tregoi se çifti duket shumë i bukur dhe se familja e mbështet plotësisht rrugëtimin e tyre dhe marrëdhënien e ndërtuar brenda lojës. “Në sytë e Gimbos dhe Selin shoh një marrëdhënie që mund të vazhdojë edhe jashtë shtëpisë,” tha Ajetja.

Motra shtoi se dasma ishte një moment i bukur brenda BBV dhe reflektoi traditat kosovare përmes veshjeve dhe muzikës kombëtare. Ajo theksoi gjithashtu se familja ende nuk ka komunikuar me prindërit e Selinit dhe se do të presin zhvillimet e ardhshme jashtë shtëpisë për të parë rrugëtimin e çiftit.

“Unë si motër e Gëzimit, duke e njohur dhe parë, shoh lumturinë edhe të Selin, dhe mendoj se dasma do të zgjasë edhe jashtë. Ne gjithmonë e mbështesim,” përfundoi ajo.