Tiranë, 6 mars 2026

Ministri për Evropën dhe Punët e Jashtme, Ferit Hoxha, ka drejtuar një takim të shtabit të posaçëm me ekipin drejtues dhe ambasadorët e Shqipërisë në Lindja e Mesme, për të ndjekur nga afër zhvillimet e fundit në rajon.

Në fokus të diskutimeve ishte gjendja e qytetarëve shqiptarë përballë përshkallëzimit të tensioneve ushtarake. Hoxha theksoi në rrjetin social X se “siguria dhe mirëqenia e shtetasve shqiptarë mbeten përparësi absolute”.

Përfaqësitë diplomatike shqiptare janë në kontakt të drejtpërdrejtë me qytetarët, duke ofruar informacion, këshillim dhe asistencë për këdo që ka nevojë. Shtabi i posaçëm i ngritur në Ministri dhe ekipi drejtues janë në gatishmëri të plotë për të marrë çdo masë të nevojshme sipas zhvillimeve në vendet e prekura.

“Strukturat e Shërbimit të Jashtëm, në bashkëpunim me institucionet e tjera, po ndjekin çdo zhvillim me vëmendje maksimale, duke qenë pranë qytetarëve tanë dhe duke u siguruar që ata të marrin mbështetje të menjëhershme,” shkruan ministri Hoxha.