Dy të rinj janë arrestuar në Vlorë gjatë një kontrolli, pasi u kapën me armë zjarri dhe lëndë narkotike.

Në çantën e njërit prej tyre, Fjorjan Hoxhaj, 25 vjeç, u gjet një pistoletë me krëhër që përmbante 5 fishekë. Gjatë kontrollit në banesën e tij, autoritetet sekuestruan gjithashtu:

20 fishekë luftarakë

Një sasi kanabisi

Një maskë plastike

4 aparate celularë

Automjetin që Hoxhaj drejtonte

Pas veprimeve hetimore, Hoxhaj u arrestua për veprat penale “Prodhimi dhe mbajtja pa leje e armëve luftarake dhe municionit” dhe “Prodhimi dhe shitja e narkotikëve”.

Ndërsa pasagjeri në automjet, i identifikuar si D.A., u arrestua për “Moskallëzimi të krimit”.

Operacioni u zhvillua në kuadër të masave të Policisë për parandalimin e krimeve me armë dhe trafikimit të lëndëve narkotike në qytet.