Presidenti i Shteteve të Bashkuara të Amerikës, Donald Trump, ka nisur takimin me kancelarin gjerman, Friedrich Merz, ku në fokus të bisedimeve është situata e luftës në Iran.

Gjatë deklaratës për mediat, Trump vlerësoi mbështetjen e Merz, duke theksuar bashkëpunimin mes dy vendeve në përballjen me krizën aktuale.

Duke folur për zhvillimet në Iran, presidenti amerikan u shpreh se infrastruktura ushtarake e vendit është dëmtuar rëndë. “Ata nuk kanë marinë, nuk kanë forcë ajrore, nuk kanë zbulim ajror dhe gjithçka atje është shkatërruar”, tha Trump. Ai shtoi më tej: “Po ia dalim shumë mirë. Kemi një ushtri të shkëlqyer dhe po bëhet një punë fantastike.”

Trump deklaroi gjithashtu se SHBA-të dhe Izraeli po vijojnë operacionet ushtarake, duke goditur objektiva që i konsiderojnë strategjikisht të rëndësishme.