Foto arkivë Një aksident ka ndodhur pak minuta më parë në rrugën nacionale Sarandë – Delvinë, pranë fshatit Stjar, përballë Mavropullit.

Një makinë tip Toyota, e drejtuar nga Fatmir Kuci, ka dalë nga rruga dhe ka përfunduar e përmbysur në një kanal.

Si pasojë, janë dëmtuar drejtuesi Fatmir Kuci dhe pasagjerja Kano Kuci. Ata u transportuan menjëherë në urgjencën e Sarandës për ndihmë mjekësore. Sipas mjekëve, dëmtimet janë të lehta dhe nuk ka rrezik për jetën e tyre.

Shërbimet e Qarkullimit Rrugor të Sarandës janë në vendngjarje duke kryer veprimet e nevojshme. Paraprakisht dyshohet se drejtuesi i mjetit mund të ketë qenë në gjendje të dehur.