Gjysmëhëna e Kuqe e Iranit: 787 civilë të vrarë nga sulmet, mbi 1 mijë ekipe shpëtimi të angazhuara

Organizata e Gjysmëhënës së Kuqe të Iranit njoftoi sot se numri i civilëve të vrarë nga sulmet e fundit ka arritur në 787, raporton noa.al.

Në njoftim thuhet se 1009 ekipe shpëtimi, me gjithsej 3651 punonjës të emergjencës, janë të angazhuara në 153 qytete që, sipas organizatës, janë prekur nga sulmet.

Gjysmëhëna e Kuqe raportoi se deri më tani janë goditur 504 pika të ndryshme, ndërsa numri total i sulmeve të regjistruara ka arritur në 1039.

Sipas raportimeve nga terreni, operacionet e kërkim-shpëtimit, heqjes së gërmadhave dhe transportimit të të plagosurve drejt spitaleve vijojnë. Organizata shtoi se shërbimet mjekësore emergjente po ofrohen në mënyrë të vazhdueshme në zonat e prekura.

Shifrat e publikuara nga autoritetet iraniane nuk janë verifikuar në mënyrë të pavarur. Nuk ka pasur një reagim të menjëhershëm nga pala amerikane apo izraelite lidhur me bilancin e raportuar.

Foto: NYT