Një 11-vjeçar u raportua i zhdukur nga nëna e tij dje në zonën e Freskut, në Tiranë.

Sot, fatmirësisht, i mituri është gjetur në Portin e Durrësit, ka bërë me dije për mediat mamaja e tij.

Sipas burimeve paraprake, 11-vjeçari, Dritan Dema, kishte pasur një debat me nënën një ditë më parë. Ai u pa për herë të fundit pranë shkollës “Androkli Kostallari”, por nuk është paraqitur në orët e mësimit.

Pas shqetësimit për mungesën e tij, nëna ka bërë denoncim në Komisariatin Nr. 1 në Tiranë, duke dorëzuar edhe foton e djalit për të ndihmuar në gjetjen e tij. Falë ndërhyrjes së shpejtë të autoriteteve, i mituri është lokalizuar dhe është rikthyer pranë familjes.